رجوات منصور ( فيلم ليلة الدخلة )

 كلنا فاكرين فيلم ليلة الدخلة بطولة حسن فايق وإسماعيل ياسين والبنتين الوحشين اللي اتجوزوهم توتو وسوسو الصور دى لواحدة منهم اسمها رجوات منصور كانت من عيلة غنية اوي في اسوان أخواتها كلهم اتجوزا الا هي عشان شكلها سابت اسوان ونزلت القاهرة اشتغلت كل حاجه شغالة وفي محلات لحد ما بالصدفة أتعرض عليها دور فيلم ليلة الدخلة عشان كان مطلوب بنتين وحشين المهم الفيلم نجح وهي حققت بعده شوية بطولات وادوار لحد ما سكنت في عماره كان جارها شيخ عايش هو وأخواته التمانية وأمه العجوزة وكانت بتحب تساعد امه في تربية ولادها والشيخ ده كان متجوز ارمله عندها اربع اولاد كان بيساعدها ف تربيتهم وأمه عرضت أنه يتجوز رجوات ووافق وهي وافقت زى اي بنت نفسها تتجوز المهم فترة ومرات الشيخ ماتت وسابت له اربع ايتام ورجوات أصرت تربيهم مع اخوات الشيخ التمانية وبعدها بفترة ماتت ام الشيخ وبعدها مات الشيخ وقررت رجوات تربي ال 12يتيم وكرست حياتها ليهم ورجعت تشتغل في البيوت والمحلات وطلعتهم دكاترة ومهندسين وكلهم بقوا في وظائف حلوة اوي وقرر كل واحد من ال 12 ياخدها تعيش عنده شهر ويبقي مسئول عنها تماما اكلها وشربها وخدمتها لحد ما واحد منهم وكان دكتور قرر يحججها وكانت أمنيتها أنها تحج وتزور بيت ربنا وفعلا طلعها تحج وهما هناك تاهت منه ف الحرم وفضل يدور عليها لقاها ساجدة في الحرم النبوي ميته واندفنت هناك

أنا ليه بقول الكلام ده لان الست دى كتير ما بتاخد صورها كوميكس الهزار والتريقة عشان شكلها وهي عند ربنا اجمل من ناس كتير مننا عند ربنا

تستحق ندعيلها بالرحمة والمغفرة